السلام عليكم
وحشتونى والله اليومين اللى فاتوا وبجد ردودكم شجعتنى انى اكتب
وانهاردة بقه هاقول موضوع ينفع يبقى مقال صحفى بس حبيت اناقشه معاكم
انا انهاردة وانا رايحه امتحن ركبت مترو الانفاق لان دى أمن وصيله ومش بتتاخر
وطبعا كانت تانى مرة اركبه بعد تغير عربيات السيدات بس دة مش موضوعنا الموضوع دلوقتى
احنا كل مابنركب المترو نلاقى ناس تدخل المترو
وتبيع دبابيس وشربات وتوك وحلويات من اول اللبان لعينات الشيكولاته
اللى الله اعلم مصدرها ايه
الغريبه بقه ان المترو بقه شبه الاوتوبيسات اللى كنا بنركبها زمان واحنا مسافرين
ايام ماالمحطه كانت فى رمسيس ( قديمه انا معلشى
وبعد كدة بقت الاتوبيسات العاديه ومن بعدها المترو وقريب جدا هنلاقيهم فى السى تى ايه
(CTA)
(CTA)
طبعا هما من حقهم يشتغلوا بس بقوا بيعملو داوشه جامدة جدا
طيب تفتكروا هما صح انهم يطلعوا كدة المترو ويتنقلوا من مكان لمكان
واغلبهم بيبقى رجاله وبيدخلوا عربيات السيدات وعادى جدا
ولا حد بيقلهم حاجه ولما تشتكى لعسكرى يسلم عليه وياخد منه عينه من البضاعه وعادى لا حياة لمن تنادى
تفتكروا الصح فين والغلط فين فى الموضوع دة
4 comments:
بينى وبينك ياأمل انا كمان بتصدم لما الاقى بائع ولا متسول فى المترو والحكاية دى محتاجة وقفة من الشرطة عشان المترو ميخربش زى بقية المواصلات
وشكرا
ازيك يااستاذ كمال
منور للمرة الالف
ماهو زى ماكاتبه كدة الشرطه بتسلم وتاخد من الحاجه وعادى بتسبهم
وبس لازم يبقى فى وقفه ضمير
ليس الا الاول
الصح ان مفيش توجيه
لو فى توجيه لقوه العمل والعماله مكنش الاخ ده هيبيع فى المترو
كان على الاقل هيروح توشكى
او يتصل باعلان القطر فاتك
ماهو مش شهادة عشان يزعلى من الاعلان وميتصلش
وساعتها مش هيقرفك فى المترو
ولا الظابط هايخد منه حاجة
وجه نظرك صح بس
عايزة اقولك ان موضوع القطر هيفوتك دة
مش ماشى لان محدش بيشتغل
ومحدش بيعمل حاجه
والقطر يفوتهم احسن
ومنورة مدونتى
Post a Comment