بما انى لسه طالبه فى الليسانس
اخر سنه فى اداب انجليزى وبما ان المادة اللى جايه امتحانها هى
novel
قصه وبما انى بدرس حاجات عجيبه اصلا
تعالوا بقه نشوف ايه اللى كان بيحصل مع كل واحد فينا فى الامتحانات
الامتحانات عندنا فى مصر هى افشل نظام ممكن تكون شوفته فى العالم كله
طبعا دة مينطبقش على الامتحان وبس دة ينطبق على اى نظام فى مصر
هو فاشل بالطبع بس خلينا بعيد عن الحاجات التانيه
خلينا نخلص امتحانات واحنا فى بيتنا
المهم بعيد عنكم كدة الامتحانات هى نتيجه لعقد وكلاكيع
وعته فى دماغ عباقرة التدريس المصرى
طبعا المفروض ان دول الدكاترة
اللى عمرى ماشوفت واحد فيهم عاقل يارب المهم
اللجنه بتبتدى من الساعه9 وطبعا لازم الكل يمتحن
وتتوزع ورق الامتحانات والاجابه ويبدأ العد التانزلى
من اول دقيقه تحس ان فى دبابير
فجاة طلعت اسمهم زمان كانوا المراقبين
يطلعوا عقدهم هما كمان علينا اللى متخانق مع مراته واللى جوزها ضاربها
تدخل تلاقيهم مكشرين ومستنينك بس تعطس عشان يطلعوا همهم فيك
اما بقه الامتحان نفسه فا لسه مدخلتهوش اول ماشوف الورقه هاقولكم ادعولى الامتحان يوم السبت
نسيت اقولكم السنه دى بمتحن فى مكان زى الخيمه كدة
جايبنها من عند عم عبدو بتاع الفراشه بتاعت الافراح
8 comments:
أدعي ربنا إن الدكاترة بتوعك والمراقبين والقائمين على النظام التعليمي ميكونوش عارفين عنوان مدونتك ويقروا الكلام ده عليهم
:)))))))))
لا لاتقلق
محدش يعرفه دة غير انهم
مش فاضين للكمبيوتر زمانهم بيتخنقوا مع زوجاتهم وازواجهم
عشان يجوا يعكننوا علينا يوم الامتحان
هههههههههه
والله هو كل حاجة عندنا بقت غلط
وخصوصا نظام التعليم العقيم بتاعنا
المهم ربنا يوفقك وتخلصى التعليم اللذيذ ده وتنطلقى فى دنيا الصحافة
تحياتى لكى
حاسبي بقى وانتي بتمتحني في الخيمة الدنيا تمطر عليكم
وتبقى حوسة بجد
بس كويس..علشان الجو يبقى شاعري بما انك بتمتحني قصة يعني...فيبقى امتحان شاعري تحت المطر
تحياتي
bos bos
كل حاجه بقت غلط
ومش التعليم لوحدة
بس قلنا نتناقش فى الموضوع بعض الامتحانات
عشان ايه منتاخدش هوب بوم تاك
شكرا نبقى برة
ربنا يخليكى ومنورة المدونه
a.samir
ياسلام دة هيبقى شاعرى جدا
وخصوصا انى بمتحن فى مؤلفات عمو شكسبير
وهيبقى شاعرى على الاخر
مرسى لدخولك وربن معانا كلنا
ربنا معاكي يارب
ويارب تكوني حليتي كويس
على فكرة ياأمل انتى دمك خفيف
وعشان كده هتنجحى وتجيبى الدرجات النهائية
بس غريبة انك بتعملى حوارات فنية
شكلك كدة تكتبى سياسة فى الدستور ، فى الأسبوع أو ع الأقل فى الوفد
عموما ربنا يوفقك بكرة
ياخبر ابيض احلى مفاجاة بجد بعد الامتحان ان الاستاذ كمال سلطان يشوف المدونه المتواضعه بتاعتى
ربنا ياخليك يااستاذ كمال وحضرتك منور المدونه
بس للاسف مينفعشى اكتب سياسه ودة للاسباب كتير هبقى اقولهالكم بعدين منور مدونتى وربنا يخليك
والحمد لله حليت كويس
Post a Comment