Sunday, January 13, 2008
Saturday, January 12, 2008
شيبسى وبسكوت وسجاير
السلام عليكم
وحشتونى والله اليومين اللى فاتوا وبجد ردودكم شجعتنى انى اكتب
وانهاردة بقه هاقول موضوع ينفع يبقى مقال صحفى بس حبيت اناقشه معاكم
انا انهاردة وانا رايحه امتحن ركبت مترو الانفاق لان دى أمن وصيله ومش بتتاخر
وطبعا كانت تانى مرة اركبه بعد تغير عربيات السيدات بس دة مش موضوعنا الموضوع دلوقتى
احنا كل مابنركب المترو نلاقى ناس تدخل المترو
وتبيع دبابيس وشربات وتوك وحلويات من اول اللبان لعينات الشيكولاته
اللى الله اعلم مصدرها ايه
الغريبه بقه ان المترو بقه شبه الاوتوبيسات اللى كنا بنركبها زمان واحنا مسافرين
ايام ماالمحطه كانت فى رمسيس ( قديمه انا معلشى
وبعد كدة بقت الاتوبيسات العاديه ومن بعدها المترو وقريب جدا هنلاقيهم فى السى تى ايه
(CTA)
(CTA)
طبعا هما من حقهم يشتغلوا بس بقوا بيعملو داوشه جامدة جدا
طيب تفتكروا هما صح انهم يطلعوا كدة المترو ويتنقلوا من مكان لمكان
واغلبهم بيبقى رجاله وبيدخلوا عربيات السيدات وعادى جدا
ولا حد بيقلهم حاجه ولما تشتكى لعسكرى يسلم عليه وياخد منه عينه من البضاعه وعادى لا حياة لمن تنادى
تفتكروا الصح فين والغلط فين فى الموضوع دة
Tuesday, January 8, 2008
وما نيل المطالب بالتمنى ولكن تؤخد الدنيا كدة هو
بما انى لسه طالبه فى الليسانس
اخر سنه فى اداب انجليزى وبما ان المادة اللى جايه امتحانها هى
novel
قصه وبما انى بدرس حاجات عجيبه اصلا
تعالوا بقه نشوف ايه اللى كان بيحصل مع كل واحد فينا فى الامتحانات
الامتحانات عندنا فى مصر هى افشل نظام ممكن تكون شوفته فى العالم كله
طبعا دة مينطبقش على الامتحان وبس دة ينطبق على اى نظام فى مصر
هو فاشل بالطبع بس خلينا بعيد عن الحاجات التانيه
خلينا نخلص امتحانات واحنا فى بيتنا
المهم بعيد عنكم كدة الامتحانات هى نتيجه لعقد وكلاكيع
وعته فى دماغ عباقرة التدريس المصرى
طبعا المفروض ان دول الدكاترة
اللى عمرى ماشوفت واحد فيهم عاقل يارب المهم
اللجنه بتبتدى من الساعه9 وطبعا لازم الكل يمتحن
وتتوزع ورق الامتحانات والاجابه ويبدأ العد التانزلى
من اول دقيقه تحس ان فى دبابير
فجاة طلعت اسمهم زمان كانوا المراقبين
يطلعوا عقدهم هما كمان علينا اللى متخانق مع مراته واللى جوزها ضاربها
تدخل تلاقيهم مكشرين ومستنينك بس تعطس عشان يطلعوا همهم فيك
اما بقه الامتحان نفسه فا لسه مدخلتهوش اول ماشوف الورقه هاقولكم ادعولى الامتحان يوم السبت
نسيت اقولكم السنه دى بمتحن فى مكان زى الخيمه كدة
جايبنها من عند عم عبدو بتاع الفراشه بتاعت الافراح
Monday, January 7, 2008
هابى سنه جديدة
سنه قديمه مشيت وسنه جديدة دخلت علينا
فات منها 7 ايام طبعا احنا لسه مابين فرحه سنه جديدة بنبتديها وسنه قديمه عديت علينا بحلوها ومرها
ياترى كل واحد فينا بيحلم بأيه فى السنه الجديدة
وشايف السنه القديمه حقق فيها ايه
من غير كلام كتير كل واحد يقول اللى جواة
مستانيه ردودكم
Subscribe to:
Posts (Atom)
