السلام على من اتبع الهدى
ازيكم كلكم كدة يارب تكونوا بخير
بما انى بقالى خمس شهور مكتبتش كلمه واحدة صحفيه ياعنى
ناويت والنيه لله واحدة انى اقول السبب
فى يوم من ذات الايام جالى واحد زميلى فى الكليه وقالى ان فى واحد بيعمل مجله وعايز صحفيين
قولت هيه هيه هنشتغل بقه وخلاص
المهم نزلت قابلته وفهمنى الحياة وطلعلى البحر والطحينه
وطلب منى شغل وانا لانى نشيطه اوى اصمله عليا بعتله 12 موضوع صحفى
منهم اربع حوارات فنيه
وقلتله ياله بقه المجله هتنزل امتى
الكلام دة كان يوم 3/3
والحمد لله لغايه انهاردةالمجله منزلتش
نظرا لان مفيش ممول من الاصل ومفيش ولا شركه ولا مكتب ولا اى بتنجان موافقيين يمولوا المجله
وكلنا شباب اللى بنشتغل فيها اكتشفت ايه بقه انه شاب زينا لا يملك من حطام الدنيا الا قلمه وجاتله فكرة عمل مجله
استعوضت ربنا فى ال12 موضوع
وقلت خلينى معاه للاخر
ولغايه انهاردة مافيش مجله ومافيش شغل
وبقالى خمس شهور مش بكتب
فا ياريت اللى يلاقى ممول تايه ياولاد الحلال
يجيبه يسلمه عندنا هنا
ولكم جزير( جزيل سابقا
الشكر
2 comments:
اقولك حاجة جامده جدا
بصى
هو ممكن الاول تعملوا حمله اعلانية عالنت عن طريق جروب عالفيس بوك مثلا
و تعملوا بلوج باسم المجلة
و تصموا بانر عشان يكون اعلان فى البلوجات
عارفة فكرة مدونات مصرية للجيب
بدأت كده
و دلوقتى المبيعات عينى عليهم باردة
حكاية الممول دى صاعبة اليومين دول
مفيش حد عاوز حد ينجح
انا ممكن اساعدك فى موضوع الحملة
لما الدعاية تزيد حتلاقى الممول
و هو كمان اللى حيمنى انه يمول المجلة
بس الاسم يكون جامد
و يا رب ربنا يوفقك انتى و زمايلك يا رب
تحياتى
اسلام
اه صحيح
دليل ان الدعاية و الفيس بوك مؤثر فعلا
انا بقالى اسبوع عامل جروب عن تامر حسنى
اللى هو
نطالب بحلق شعر صدر تامر
ممكن تكونى سمعتى عنه
دلوقتى النت كله بيتكلم عليه
اعملى سرش على جوجل حتلاقى النت سايب كل حاجة و بيتكلم عن الجروب
و اول موقع كتب عن الجروب موقع مصراوى
الدعاية هى اللى بتخلى اى حاجة تنجح من قبل ما تتنفذ فعلا
Post a Comment